A adega Pazo Baión e Adega Condes de Albarei reúnen algúns dos mellores albariños que se poden degustar a día de hoxe a nivel mundial. Viños brancos dunha excepcional calidade que son o produto de décadas de experiencia no mundo da viticultura. Os enólogoes/enólogos de ambas as adegas aglutinan un coñecemento de enorme valor que se traslada dunha forma natural ás elaboracións que cada ano cobran vida despois da vendima. Albariños frescos e outros con máis estrutura, viños atlánticos pero tamén máis clásicos. Unha incrible selección dos mellores viños da DO Rías Baixas.
Os viños da adega Pazo Baión son un exercicio de artesanía. Pura ourivaría que resulta do mimo co que se traballa nesa fascinante propiedade de 30 hectáreas, 22 das cales son viñedos de albariño. Nada queda aos caprichos do destino dentro da leira. Absolutamente nada. Todo o proceso de cultivo, vendima e produción dos albariños que se elaboran en Pazo Baión está perfectamente pautado. E obedece a un obxectivo último e irrenunciable: elaborar viños brancos dunha calidade moi por encima da media. Xenerosos en nariz e boca. Aromáticos. Orixinais. Pero sobre todo, únicos.
